諾貝爾物理學獎得主崔琦喺國際上名聲響噹噹，係唔少理科生嘅偶像。二十幾位中四至中七理科生噚日有機會同偶像喺香港大學見面，佢哋唔單止問崔教授點樣做研究，重問崔教授點睇人生嘅大意義，如果窮一生去做研究都冇成果咁點？真係幾難答。
崔教授好謙虛咁話，佢同其他人一樣，唔係特別叻。佢話人生價值唔在於做過咩大事，最重要係做一啲令自己滿意嘅嘢，亦都要做一啲對社會、對身邊嘅人例如同學同親友都有好處嘅事；重有，人生價值唔係其他人點睇，係要自我去評價嘅。崔教授又話，做研究冇成果係失望，但佢覺得人生嘅失望同做邊方面工作好少有關。最後，佢鼓勵在場嘅同學做研究要多做實驗，好似踩單車同游水咁，一味講理論同步驟係冇用嘅。
爆料熱線：29290000、27860099
報料傳真：26239278
報料電郵：[email protected]