莫文蔚今日會喺演藝學院演出百老匯歌舞劇《吉屋出租》，咁啱撞正世貿喺香港舉行會議，佢話唔擔心會因此影響演出，因為佢相信警方嘅能力。莫文蔚又話喺歌舞劇裏面，要不停喺一條欄杆前跳舞，搞到隻腳瘀晒。講到早排喺新加坡演出時，歌星MichaelBolton都有去捧場，令佢喜出望外。
無綫劇集《阿旺新傳》大結局平均取得四十二點（約有二百七十五萬觀眾人次）高收視，劇中由湯盈盈飾演的李笑好一角更是深入民心，故無綫特別為湯盈盈度身訂做一個全新節目《笑口常開》。昨日主角湯盈盈便率領其餘幾位演員李家聲、黃長興、羅莽、朱咪咪及黃泆潼等於將軍澳電視廣播城為該節目進行拜神儀式。
郭晉安力撐
湯盈盈表示首次擔正主持節目，心理壓力十分大，她說：「今次好開心可以由頭帶到尾，但相對壓力真係好大，自己𠵱家先知驚，頭先撞到郭晉安，佢都話有排我做，所以好開心。」
湯盈盈又表示前日已出外景為節目進行拍攝，但因首次擔正故經常NG，她說：「NG咗幾多次，我都唔記得喇，簡直令我諗番起第一次拍劇時嘅感覺。」
湯盈盈又自言近日體重下跌，她說：「可能壓力大咗，連體重都下跌埋，今年要過瘦年，因為冇咗以前咁包包面。」
唔再做醜女
而該節目除了以飾醜角李笑好而成名的湯盈盈掛帥外，其劇中好友「林賓」李家聲亦來撐場，可惜李家聲依然需以黑面look出鏡，但湯盈盈卻可一反劇中造型，以靚女形象出現，一身低胸天使造型的湯盈盈說：「我終於唔使做醜女，可以用靚女樣見人。」
採訪、攝影：王崇穎
