謝賢昨日相約一班泰籍朋友在中環置地廣場歎茶，對於近日有報道指謝霆鋒及張栢芝早前登萬里長城宣傳《無極》時，不時緊擁取暖，似有復合迹象，四哥說：「黐線，呢啲友情嚟啫，係傳媒搵嘢嚟寫，唔通一識就要上床？你估狗咩？」
提人妖毛管戙
至於霆鋒早前向記者爆粗，四哥則說：「佢重細，唔似我咁爐火純青，如果真係佢唔啱，我會話佢嘅。」
四哥談到被指多年前曾與近日遭懷疑是變性人的嚴淑明「撻着」時，他說：「我嗰日一到新加坡機場，兩個記者已經問我呢單嘢，又跟我去酒店再問，我真係好嬲，直頭想一巴打佢哋埋牆，後來阿肥（沈殿霞）重話畀我聽呢個係人妖（變性人），聽到都毛管戙，咁樣寫即係貶低我，幾靚我未試過呀？」
採訪、攝影：梁錦