海港城大場景冷與熱

商場大事裝修迎聖誕，吸引顧客前往，假期人流迫到行都行唔郁咁滯，可見港人幾鍾意行商場。
不過，閒日情況就唔同晒嘞。唔信？睇吓九龍倉尖沙嘴海港城商場咪知囉，商場內放咗一排長長嘅聖誕樹，裝飾得好靚，但噚日現場所見，啲上班一族，似乎無心觀賞，匆匆行過。
睇嚟，商場真係要迫迫吓至夠氣氛。當然，唔鍾意迫嘅，喺閒日去逛商場會寫意好多。