合和胡文新冇得去滑雪

合和胡文新冇得去滑雪

合和主席胡應湘做咗民主遊行人士攻擊對象,但佢位公子胡文新就唔想講咁多政治,都係做生意為上。早前佢同華華食飯,就話今年忙到連聖誕假都冇得放,唔可以好似往年咁同老竇去日本滑雪。近排佢成日返內地,今個月二十日就要去順德主持港珠西線二期動工禮。至於泰國項目可能收番嘅錢,冇錯係可以分派,但就未有計劃。
其實胡公子要玩使乜去日本,佢周不時都會去西九龍中心打冰上曲棍球,佢話第時會有多幾個選擇,例如正在興建嘅九龍站上蓋大型商場,裏面會有一個較大嘅溜冰場,佢又睇中將軍澳新落成嘅邵氏影城,入面可以改裝做大型溜冰場,但當然要問過方阿姨先啦。