傅明憲前晚與阮偉文作伴，在灣仔演藝學院參加「維也納之夜」舞會。傅明憲透露丈夫葉劍波剛購置一匹新馬，打算改名為「瘦骨仙」，她表示丈夫是藉此揶揄她一天瘦過一天，但她卻無意增肥取悅丈夫，表示增肥與否要視乎潮流所趨。
傅明憲前晚身穿LucaLuca黃色裙，配JudithLeiberHelloKitty水晶小手袋，在灣仔演藝學院出席「維也納之夜」舞會，傅明憲表示HelloKitty水晶手袋是JudithLeiber與Sanrio合作限量生產的，問她價值多少？她說：「唔好講幾多錢啦，係HelloKitty迷都唔會問幾多錢㗎啦。」
運動多難增肥
前晚傅明憲與阮偉文結伴，她對此解釋說：「因為我老公去咗沙田買馬，Yvette（阮偉文妻子榮文蔚）又臨時唔得閒，所以我哋咪一齊嚟囉。」傅明憲表示丈夫葉劍波打算將新馬改名為「瘦骨仙」，她說：「佢即係揶揄我一日瘦過一日，佢話都係鍾意我有肉哋多啲。」
問傅明憲會否增肥取悅丈夫時，她說：「咁就要視乎潮流啦，同埋我要應付渣打嘅馬拉松，𠵱家每個禮拜都會練跑一至兩次，每次個幾鐘，重會上埋斜路，運動量大就瘦啦，睇怕我都要食啲油膩食物啦。」
龐傑結他伴奏
另外，前晚與傅明憲同選用JudithLeiber水晶手袋的還有郭秀雲，其夫龐傑在舞會上以結他伴奏田北辰唱歌。其他出席嘉賓尚有張國榮外甥女、亦即張綠萍孿生女兒及何鳳懿等人。 採訪：DebbieLum
攝影：HoKwokHo
