昨日踏入三十九歲的黎明前日凌晨中門大開，公然讓新歡樂基兒到黎宅過夜確認對方「明嫂」地位，前晚更在女友陪伴下在家開P賀壽，門外則有癡心fans企通宵，一中年女fans突爆料贈興，直指黎明人氣下跌搞緋聞，又說：「都唔知點解佢會鍾意個『拆彈專家』？」
向來愛密封戀情的黎明忽然轉性，在昨天三十九歲生日前夕中門大開，於前日凌晨讓新歡樂基兒在其樂景園豪宅過夜，前午她外出領取兩個生日大氣球作禮物後折返男友家中再度溫馨晚上，至昨日傍晚也未見他們離開。
對李嘉欣不公平
黎明前晚選擇在家中開Ｐ賀壽，到場嘉賓有其契媽小菁姐、契姊Ling姐、杜汶澤、田蕊妮和唱片公司高層王凱文等。大夥兒至凌晨二時多陸續離場，不阻兩人過二人世界，但王凱文開車離場時，後座有一男子彎身避鏡，曾有指是黎明。
而前晚八時多，十多名女fans到樂景園門外守候，但整夜亦未見偶像，到清晨五時多終沒趣離場，其間一中年女fans主動與記者搭訕時，忽然力數黎明，更形容隆胸又拆胸的樂基兒是拆彈專家，她說：「都唔知點解佢會鍾意個拆彈專家？」
該女fans聲稱黎明與舒淇的戀情是假的，與李嘉欣才是真的，她說：「佢同李嘉欣由九三年到𠵱家都未甩過，對李嘉欣好唔公平，黎明喺九六年搬嚟呢度住時，拜神嗰日都係同李嘉欣同車返嚟，冇人知㗎，係呢度個維修員帶我哋嚟嘅，後尾佢畀人炒魷魚啦。」
常以緋聞做宣傳
女fans又指黎明自大及以緋聞做宣傳：「老黎人氣下跌，一次又係咁、兩次又係咁，搞埋啲咁嘅嘢！好多fans對佢又愛又恨，佢口中話私隱，乜嘢私隱啫？做呢行都冇私隱，食得鹹魚抵得渴，做乜收到咁密？𠵱家佢三十九歲，賺夠錢，升上神枱啦，重使乜咁自我，冇理啲fans感受嘅。」未幾女fans自稱要找李嘉欣才坐車離場。
採訪、攝影：娛樂突發組
