陳太高調復出，手袋黨又成為各界焦點，好似已經退休嘅眾人媽打李麗娟咁，噚日一出現，就俾人係咁追問「會唔會幫陳太選舉？」媽打聽咗就急急澄清，話陳太都冇搵過自己，亦冇講過組黨喎，佢重大讚煲呔做得好好，作為民政嘅前常秘，佢最支持煲呔個區議員方案，因為可以令佢最錫嘅區議員有多啲機會大展所長。
講咁多嘢，聽落媽打好似唔想喺呢個時刻俾人拉落水咁款，始終媽打有言在先，就係退休後同特區政府做大義工，唔係打對台。
不過，媽打都認話手袋黨時不時都會有聚會，但聚會期間都係講埋啲護膚心得，啲仔仔女女近況，又或者做嫲嫲嘅苦與樂等女人經，同政治真係毫無關係。所以媽打好鬼馬咁話，如果佢哋真係要組黨，應該改做「麻雀黨」最貼切，估唔到媽打都咁有諗頭喎。
爆料熱線：29290000、27860099
報料傳真：26239278
報料電郵：[email protected]