鄭伊健昨日聯同無綫劇集《隨時候命》演員參加慈善嘉年華，他表示聖誕節會到日本拍廣告，之後便與女友梁詠琪（GiGi）去旅行共度浪漫佳節。
無綫劇集《隨時候命》演員鄭伊健、楊思琦、袁彩雲和姚瑩瑩等，昨日在沙田出席「助鄰扶老步行顯愛心2005暨慈善嘉年華」，伊健獲委任為鄰舍大使。
大批市民爭相與伊健和思琦合照及索取簽名。伊健自言擔任大使十分有意義，他說：「係監製推薦我做大使，我覺得除咗工作之外，去做啲有意義嘅事好開心。」
拍廣告後會合
對於女友梁詠琪表示將缺席所有音樂頒獎禮，爭取時間與家人相處，伊健說：「唔知呀！獎項對我嚟講冇乜所謂，放吓假幾好，可以享受一下，香港人成日只顧住生存，唔識得享受生活。」
伊健表示聖誕將會到日本拍廣告，順道與女友GiGi旅行，他說：「我要去日本拍廣告，之後同GiGi會合，我哋只係將個party搬去第二個地方啫！」
對於《隨》劇收視欠佳，楊思琦說：「可能係時段上嘅問題，口碑好已經好開心，都有好多人留意我嘅角色，希望嚟緊有多啲觀眾收睇啦！」
採訪、攝影：王崇穎
