一班前輩歌手前晚在紅館開騷，甚少公開表演的凌波被熱情歌迷衝上台獻花打亂演出，久居加拿大的華娃更自嘲是一嚿雲，找不到路又撞親汪明荃，卻博得觀眾鼓掌大笑。
十二位前輩歌手汪明荃、凌波、華娃、鄭少秋，葉麗儀、葉振棠及鍾鎮濤（阿B）等，前晚在紅館展開一連九場的《金曲情牽半世紀演唱會》，觀眾反應熱烈。久別香港舞台的凌波及華娃獻唱時蝦碌頻頻，凌波大唱《訪英台》時，一位四十來歲的歌迷不顧一切，突破保安防線衝上台送花，凌波被嚇到甩嘴，但仍保持淡定說：「多謝，你咁會擾亂我嘅歌柄，我唱到邊呀？」音樂總監徐日勤提水後，凌波唱完歌又說：「啲花好重，你哋下次買細紮啲，慳番啲，香港觀眾咁熱情，令我好感動。」
工作人員帶落台
華娃演出時，她笑謂自溫哥華返港，很多廣東俗語都不懂，如甩嘴及拗柴，她說：「原來腳就係柴。」她又說：「我返香港變咗一嚿雲，所以唱《雲娘》。」唱罷後華娃找不到升降台位置，站在台中發呆，要由工作人員帶路，她笑說：「我真係一嚿雲，連個窿都搵唔到。」而當全部歌手上台謝幕時，華娃又因行得慢，不慎撞親汪明荃，嚇得阿姐花容失色。事後華娃表示與黃霑是好朋友，不是故意避唱他的作品，只因版權問題，但第二場她會唱黃霑填詞的《董小苑》。
阿Ｂ是當晚年紀最輕的歌手，他表示自己是香港人的人辦，他說：「經濟起飛時，大家住得好着得好食得好，後來啲朋友負資產，我都幾夠義氣陪埋佢哋，香港人打不死，我𠵱家就企喺度同大家唱歌。」全場即報以熱烈鼓掌。
雜誌報道不正確
事後阿B接受訪問，提到有雜誌指他被破產官告，阿B說：「報道裏面寫啲資料錯嘅，有啲收入唔正確，有啲工作我都冇做過，我都想佢寫嘅係真，可以搵多啲。破產官係聯絡咗我，我重要上法庭畀資料，不過成件事我根本都唔清楚，要問番另一個股東（章小蕙）先最清楚，我上到庭同法官都係咁講，我已經盡力，我唔明點解另一個股東，可以好似乜事都冇發生過。」
採訪：馬建華 攝影：仇志德
