急景殘年，炒燶樓、撻定等不利消息頻傳，舖市有蔡伯能及董姓投資者撻定，乙級商廈又陸續有嚟，好似灣仔英皇集團中心六樓，有個二千三呎單位，摸咗半年未甩到，聽講撻硬。
件貨有段輝煌史：○一年紀錄，作價四百六十萬，每呎唔使二千。舊年十一月，寫字樓市狂升，業主搵到個炒家，出七百五十萬接手，三年賺六成三，炒家攞到逾一年超長成交期。今年三月，第二個炒家以九百九十八萬摸入。兩個月後，再以一千零六十九萬摸第二轉，每呎升到四千六。
單位四年升值一倍三，直到銀行狂加息，音樂椅玩完，半年搵唔到人接貨。經紀話，最後呢轉個炒家係新手，早前撻過黎汝遠件貨。
電郵地址：[email protected]