曾以「青樓名妓」自稱既張永霖，近日頻頻現身各大小活動，華華都同佢碰過唔少次面，好似早前佳士得拍賣會，佢同女伴一齊到場；男高音巴洛伐堤（LucianoPavarotti）個榮休演唱會，見到佢同另一位女伴Macy（圖）到場。之後在《資本》企業家雜誌頒獎禮，又見佢做頒獎嘉賓，之不過呢次就單刀赴會。地點雖然唔同，但三次衣着都係佢嘅招牌服飾──中山裝。
張永霖攞咗七幅畫喺佳士得度拍賣，雖則最後只賣出一張，但佢同華華講，呢個結果都可以接受，事關張張畫都係至愛，賣唔出可以留番自己慢慢欣賞！
講到音樂會，佢反應就大啲，豎起拇指猛話巴洛伐堤無得頂，好聽過WhitneyHouston，重話前者係真功夫，後者就欺場咁話。