馬丁激嬲恩師唔關打官司事 - 李八方

  馬丁激嬲恩師唔關打官司事 - 李八方

民主黨前主席李柱銘前日上商台新節目《無底深談》接受李慧玲訪問,噚日《蘋果》都有報道訪問內容,但有馬丁老友打電話畀八方,話報道提到馬丁喺節目入面承認曾經喺打官司時,呃過供佢讀大學嘅法律界元老余叔韶;馬丁老友話有聽呢個節目,但馬丁唔係咁講,所以八方特登聽番當日節目內容,發現原來呢句話係主持李慧玲訪問馬丁時,引述嘅一個法律界傳聞,向馬丁求證,但馬丁只係話相信係佢大學成績差,所以激嬲恩師。
換句話講,所謂嘅師徒恩怨根本同場官司無關。如果呢段報道引起余叔韶同馬丁唔開心,八方趁呢個機會同佢哋講句唔好意思。


爆料熱線:29290000、27860099
報料傳真:26239278
報料電郵:[email protected]