田蕊妮（左）大前日因急性腸胃炎入咗法國醫院，咁啱佢同老公杜汶澤啱啱由斯里蘭卡返港，所以初時以為喺當地惹咗病返嚟，搞到醫生好緊張，後來證實咗只係食錯嘢啫。前晚阿田已經出院，馮仁昭八到佢入院前一晚，同阿澤以及司機喺灣仔打邊爐，第二朝就又屙又嘔，嘔咗成十二次；而阿澤同司機雖然都中招，但可能阿田身體最弱，所以最大鑊。