方力申和緋聞女友Stephy、Theresa、周麗淇和薛凱琪等昨日出席新城頒獎禮拉票活動。大會臨時安排古巨基到場，現場更有一張「預祝古巨基勁爆勝出」的紙板，不知是否意有所指？
新城昨日在沙田連城廣場宣傳聖誕節（二十五日）舉行的勁爆頒獎禮，一眾歌手包括方力申、周麗淇和薛凱琪等昨日齊齊出席拉票，吸引逾百歌迷到場支持，令現場水洩不通。
與華仔並列
大會昨日臨時宣布古巨基亦會到場，現場更有一張印有「預祝古巨基勁爆勝出」的紙板。基仔到場時，司儀即宣布截至前日，最高票數的男歌手是基仔和劉德華。
司儀又要求基仔在紙板旁畫上得獎後的興奮表情，問他與華仔叮噹馬頭心情如何？基仔說：「梗係開心啦，華仔係我好尊敬嘅歌手，我亦睇好華仔，但自己都有少少信心嘅！」
撐側田開騷
對於師弟側田出道僅一年即有機會在紅館開個唱，基仔說：「咁係佢自己努力番嚟嘅，我等咗十一年呀，不過如果佢請我做嘉賓，我一定應承。」
此外，大會昨日宣布截至前日，共有二萬八千九百六十七人投票，女歌手暫時以容祖兒和陳慧琳領先。
採訪、攝影：藍文浩
