台北圓山飯店噚日一場高手雲集嘅全國調酒大賽上，眾人嘅目光都集中喺一個十一歲、有「調酒小神童」之稱嘅郭植伶身上。身為名調酒教練謝美美嘅女，植伶細細個就已經偷師，四歲時佢同媽咪講話佢都識甩酒，重即場表演。謝美美於是教佢調酒。𠵱家郭植伶係目前國際花式調酒中，年紀最細嘅選手，今年重會被重金聘請到香港表演。