倪匡喜歡閱讀，最近愛看內地作家的小說，而香港的後輩作家，倪匡指深雪幾好，他最愛看《蘋果日報》副刊，十篇會看九篇，喜歡看陶傑、蔡瀾、左丁山、鍾偉民和李碧華。倪匡讚陶傑的文筆出神入化，近日他答應了一間報館寫一篇一百字的評論，但得知自己的文章將放在陶傑旁邊後，即一個字都寫不出，倪匡說：「陶傑寫得咁好，我點擺得喺佢隔籬，唔係我唔肯寫，真係寫唔出。」
近年熱賣的懸疑推理小說《達文西密碼》，倪匡還未看過，他說：「本書我啱啱先到手，倪震話好睇，買咗本畀我睇，聽講話幾好睇。」至於英國作家羅林的《哈利波特》系列，無論是電影和小說，倪匡都沒有看過，原因亦是不想浪費生命，他說：「呢啲鬼佬魔法，中國一早就有啦，《蜀山劍俠傳》（作者還珠樓主，後徐克改編成電影《蜀山》，由鄭少秋、劉松仁、林青霞主演），不知幾精采。」