黃耀明（右）噚日喺銅鑼灣出席樂施會活動，佢話𠵱家收集咗一千七百幾萬個簽名，呢個禮拜會聯同西非女歌手以及主演《少年哲古華拉》嘅墨西哥男演員到世貿會議場地，遞交簽名畀各國貿易部長。明哥話覺得好多貿易都係俾大國壟斷，令貧困地區嘅人得唔到應得嘅，所以想藉簽名運動嚟表達不滿。