名模琦琦前晚佩戴妮歌潔曼（NicoleKidman）為Omega設計的首飾，出席該品牌於中環舉行的活動。問琦琦其女兒的病況時，她表示囡囡一度發燒至39.8度，她怕急症室多細菌，不敢帶她求醫，幸好經家庭醫生教她方法，女兒終於退燒。
名模琦琦前晚穿上自己設計的晚裝，配蝴蝶結髮型在中環麗嘉酒店出席「Omega聖誕巡禮」活動，同場還有多名模特兒示範Omega的腕表及珠寶，琦琦則佩戴妮歌潔曼為Omega設計的鑽飾，價值二百萬元，琦琦對此說：「喺二○○二年，我哋一班全球Omega代言人每人設計一套珠寶，但呢套珠寶唔會我哋自己keep，而係會不停巡迴世界各地畀唔同嘅名人佩戴。」
嫌急症室多菌
琦琦在大前晚LV派對上，表示十分憂心發燒的女兒，前晚問她囡囡現時的情形有否好轉？她說：「囡囡打完流感針後，一度燒至39.8度，我即刻打電話畀喺澳門拍緊戲嘅老公，佢建議帶囡囡去睇急症，但係我覺得急症室咪重多細菌，後來家庭醫生教我方法，囡囡終於退咗燒，今日（即前日）重可以返babyclass㖭。」
每天睡一小時
自女兒上周日開始生病，琦琦多天以來每晚都守在女兒床邊，每天平均只睡一小時，琦琦說：「我睇見囡囡由肥嘟嘟搞到肚腩仔都瘦晒，真係好心痛，如果可以我寧願自己病重佢十倍，都好過睇住個女捱苦。」
採訪：DebbieLum
攝影：ChenWaiOn
