父親病逝，身為長子的初叔，希望好好為亡父執葬，無奈失業多年的他，與妻兒只靠綜援金過活，掏不出錢來支付殮葬費，令他深感愧疚。
「我媽媽希望做得好好睇睇，不過我就冇咁嘅能力，其他兄弟姊妹唔係欠債就係失業。」四十二歲的初叔歎道。
初叔的七十一歲父親陳子和，一年多前證實患上末期肺癌，為了給予父親更好照顧，初叔於今年初將父親送到政府安老院，可是父親身體實在太差，大部份時間均要留醫接受治療，最後於上月二十八日病逝。
喪夫失明 雙重打擊
初叔表示，父親病逝，最感痛心的是其母劉婆婆。劉母六年前因為糖尿上眼導致雙目失明，如今又逢喪夫之痛，情緒大受打擊。
「唉！打擊大唔大都係咁……」六十五歲劉婆婆話未說完，鼻子便已一紅。「我因為行動唔方便，佢入院咁耐，我只係可以探佢兩次，其中一次就係佢過身前一日。𠵱家我最希望有錢替先生執葬。」
初叔對記者說，他以往任職酒樓點心師傅，○一年失業至今，現與妻子及一對四歲及十一歲子女靠領取綜援金度日；父親的葬禮定於本月二十日舉行。
津貼無望 基金成全
蘋果日報慈善基金了解陳家的困境後，即時從「殮葬專戶」撥款一萬五千元給初叔，以辦理父親的身後事。
捐款編號：C1873
暖流熱線
電話：29908688
傳真：23702192
電郵：[email protected]
網址： http://www.charity.atnext.com
