陳凱歌執導、張栢芝同張東健等主演嘅電影《無極》禮拜四上映，陳凱歌前日喺內地宣傳呢部戲時，俾記者激到發老脾。事緣有內地記者問佢係咪因為今次係夫妻拍檔，先會咁落力宣傳，當時陳凱歌冇答呢個問題，只係由佢老婆陳紅回應。後來又有記者問陳凱歌，若果部戲票房唔好，覺唔覺得影響佢喺電影圈嘅尊嚴？呢個問題終於搞到佢發脾氣話：「這算甚麼問題，如果我說你的孩子長不大，你會怎麼樣？」現場氣氛好緊張，採訪重即時結束。
《如果．愛》收百九萬
事後陳凱歌話：「我一向以古代君子的標準來要求自己，但剛剛有人採訪我，我發了火，因為那個問題的確讓人不高興，好像在我孩子的滿月酒上問我，如果孩子夭折了怎麼辦一樣。」馮仁昭知道陳凱歌對部戲好緊張，對內地票房亦期望好高，所以有人要柴台，佢當然唔高興。
而呢排好多新聞、由陳可辛執導嘅《如果．愛》上禮拜四已開畫，截至前日兩日喺香港共收百九萬。