政府出手救咗電影業幾年，都冇咩起色，於是搵個正經生意人蘇澤光做電影發展委員會主席，為氣若游絲嘅香港電影再盡吓人事，咁點搞呢？蘇生話希望兩年任期內為業界做啲嘢。首先係斷症，做個大型調查，睇睇政府係愈幫愈忙定係要出多啲力，同時重會成立四個小組，研究電影融資、法例、研究新興市場同埋探討開發內地市場，四個召集人係施南生、方和、黎筱娉同埋林建岳，冇錯，係由岳少幫手探討內地市場發展。
講番蘇生，成日俾人話係外行人領導內行人，佢好謙虛話，唔明點解啲人好鍾意搵佢做埋啲佢唔識嘅嘢，好似當年做開財經，就有人搵佢做地鐵，做做吓地鐵，又有人搵佢搞電話，可能係貪佢好虛心同埋肯學喎。
爆料熱線：29290000、27860099
報料傳真：26239278
報料電郵：[email protected]