冬天除咗食火鍋之外，最啱就係溜冰啦。舊年首爾廣場喺平安夜開放溜冰場，吸引咗大批人潮，今年佢哋特別提前喺噚日開放，預計開放三個月。其實開幕前一日，已經有小朋友試玩。今年佢哋會增設休閒空間，同時將去年每次一個鐘嘅使用時間延長為兩個鐘，費用包埋借溜冰鞋、帽、手套、儲物櫃都係一千韓圜（約港幣七個半）咋！