成龍對汽車的熱愛程度有幾大，相信無人會懷疑，佢最近又有新搞作，與老拍檔三菱汽車合作，推出JackieChanEvolution9，簡稱「龍9」，全球限量50架。
記者、攝影：袁國基
成龍玩車多年，與三菱汽車的關係特別好，今次佢就操刀，特別為E9設計一個特別版。龍9版E9不但加個龍字便算，全車的包圍均由成龍設計，車頭極之惡辣，並且大量使用碳纖物料，此外，車尾冚也是話題之作，一個V形凹入，老遠也看得出來。既為成龍的特別版，當然要有「龍」的嘜頭才有睇頭，因此在車上可找到大量「龍」字標記，如輪圈、排氣喉及鬼面罩，甚至引擎艙內也滿布。
全港6部龍9
拍攝當日與大哥一起合照是全球第1部龍種E9，全球限量50部，香港分得6部，車價為$585,000，比原裝版貴了20萬，但早已被車迷訂購一空。龍種E9現時最大馬力不少於350ps，比原裝車大了70ps。成龍設計的汽車將會陸續出現，更表示有意自行生產自家品牌的汽車，希望可以快一點在國際大型車展展出。想一睹這部暫時全港唯一特別版的朋友，可親身前往灣仔告士打道三菱陳列室參觀。