何超儀與丈夫陳子聰前晚出席LV派對，超儀繼周三晚與LV創作總監MarcJacobs共晉晚餐，前晚亦獲安排坐Marc對面。超儀自爆「好火羅」，當她與Marc談及何家姊妹英文名字如Daisy、Josie等都不有型，豈料Marc不同意地說：「我的小狗也叫Daisy。」
超級名牌LouisVuitton慶祝香港置地廣場的概念店重開，前晚舉行盛大晚宴及派對，出席名人多不勝數，包括賭王何鴻燊偕四姨太梁安琪、女兒超瓊、超儀與夫婿陳子聰、JoyceMa、薛芷倫、趙式明、名模琦琦和李嘉慧等。
超儀聽家姐話
專程來港為概念店重開剪綵的韓國女星李英愛、巴西名模GiseleBundchen及LV創作總監MarcJacobs，在晚宴及派對上儼如布景板，眾名人紛紛排長龍要求合照、攞簽名，其中以Gisele最受歡迎。
超儀前晚穿上如孕婦裝的LV高腰裙與丈夫陳子聰結伴赴會，記者追問超儀是否懷孕，她說：「你哋都儍嘅，爹哋知我唔攞影后唔心息，冇催我生BB呀，我出年生隻大碟出嚟就真。」超儀繼周三晚與MarcJacobs共晉晚餐後，前晚亦獲安排坐於Marc對面，超儀說：「我哋好好傾，不過我好𤓓，我同Marc講話覺得自己全家幾姊妹個名好似Daisy（超鳳）、Masie同Josie都唔型嘅，點知Marc話：『不會吧，我的小狗也叫Daisy。』後來我先知我個英文名係大家姐改嘅，佢屋企兩個菲傭都係叫Josie，分Josieone同Josietwo，我就係Josiethree，由細到大注定畀佢使。」
「同馬生有共識」
此外，一身LV服裝出現的薛芷倫表示多年前已在港與LV創作總監MarcJacobs見面，她前晚說：「唔知佢重認唔認得我呢？」至於有報道指薛芷倫前夫馬清偉的新女友是空姐，薛芷倫對此說：「吓？你哋清楚過我啦，不過我睇呢個未必係，因為我同馬生有共識，如果大家都有穩定嘅男女朋友時，會帶出嚟畀大家見一見，咁即係呢個未係穩定啦。」
採訪：DebbieLum、RitaLeung
攝影：ChanChiLam、EdwardChou
