古天樂、傅明憲、利嘉兒與陳淑蘭等演藝界愛狗代表，原本樂見政府在京士柏山配水庫公園興建狗公園，但後因有居民反對又半途而廢，此舉引起他們與養狗居民的不滿，明日會在公園抗議。
不少市民都喜歡養狗，但香港給狗隻活動的地方卻有限，政府原本打算在京士柏山配水庫公園興建首個狗公園，但施工期間，因有部份居民反對而擱置，此舉引起養狗居民不滿，決定明日到該公園抗議政府停工。香港愛護動物協會主席傅明憲、古天樂、施念慈、利嘉兒和陳淑蘭齊齊聲援，呼籲政府恢復動工興建狗公園。
狗都要有社交
住在京士柏山的古天樂母親幾乎每日都會攜愛犬到這公園散步，他倆母子知道狗公園停工後十分失望，古仔昨日接受電話訪問說：「我希望何志平（民政事務局局長）可以照顧吓養狗人士嘅感受，人要空間，狗亦一樣要，點解一個狗公園起緊都要停。聽日啲養狗居民會喺配水庫公園抗議，我就去唔到，因為我要去西安做嘢，但媽咪話要去支持，我都好贊成。」
傅明憲亦支持京士柏山配水庫公園興建首個狗公園，但明日的遊行就無暇出席，她說：「我精神上好支持爭取建狗公園，咁先可以人狗同樂，我覺得狗一樣要有社交活動，不過到時狗主到狗公園應該要有公德心，保持環境衞生，唔好俾人投訴。」
養了迷你玩具貴婦狗的施念慈打算明日出席抗議行動，她說：「香港好多人養寵物，我住嘅大廈有八成人都養貓狗，𠵱家好多人唔生BB，寵物就等於係我哋嘅BB，但佢哋唔應該成日困喺屋企，應該有多啲活動空間。」
「政府該做不做」
陳淑蘭亦批評政府應該做的不做，好事做了一半又作罷，她說：「日本銀座同美國都有地方畀狗消閒，點解香港就冇。聽日我雖然去唔到京士柏山聲援，但我好支持一班狗主呢個行動。」而利嘉兒希望政府不要只理會反對市民的感受，也要顧及養狗人士的感受，應盡快恢復興建狗公園。
採訪：陳月媚、張止寒
