黎明（Leon）與名模樂基兒的緋聞鬧得熱烘烘，昨日Leon與杜汶澤到電台接受訪問，對於Leon的感情生活，其好友阿澤就表示：「早排就話好dry，最近就好口密。」
黎明和杜汶澤昨日到商台接受訪問，Leon與樂基兒的緋聞旋即成為話題。
問到明天生日的Leon是否已預計會有特別多狗仔隊跟蹤時，Leon說：「有狗仔隊跟係好正常，佢哋都係做番佢哋嘅工作，做藝人就係咁，感情事肯定冇普通人咁公平，唔可以有正常人嘅相處方式，百分之七十控制喺傳媒度，成為大家茶餘飯後嘅話題，根本男人又好女人又好，拍拖結婚，行唔行落去冇人會知，我做人有自己一套，我嘅焦點就係放喺我嘅工作度。」
有報道指樂基兒揀大床送上門，Leon對此回應說：「唔好話係衰，作者繼續做番作者嘅嘢，各有各做囉，我都係冇回應。」
最怕做媒人
對於有傳Leon與樂基兒撻着是因阿澤的關係，阿澤即時澄清說：「邊關我事呀，我最怕做媒人，有咁好嘅嘢（指樂基兒）益唔到自己，都唔益人啦。」對於最近Leon的感情生活，阿澤說：「早排就話好dry，最近就好口密。」Leon又表示男人就算有了家庭，都要將焦點放在工作上，因為工作就是保護家庭的支柱，他強調男女交往是正常事。
問Leon是否正與樂基兒打得火熱，他說：「對朋友之間嘅事唔回應。」對於二人是否已有共識，樂基兒有沒有送上生日禮物等問題，Leon都只說：「Fullstop（句號），感情同私人事，每個藝人都有自己嘅做法。」
採訪、攝影：胡比
