寵物花園：至潮FashionTrend狗狗也Loli

見到主人們呢排着多幾件衫，係咁喺我面前mixandmatch，而且天氣又凍凍哋，搞到我都心郁郁想着番件靚衫。前排有個狗仔花生騷喎，同場重有資深美容師，提供打扮小貼士，唔該快啲報道一下狗狗至潮扮靚FashionTrend啦，等我哋偷吓師都好吖！

記者︰劉昱蘭　
攝影︰焦之達

Show前靚靚
（左）Frida公主：巴西的陽光特別耀眼，好曬喎。
（右）Diego皇子：雖然你套衫喺巴西嘅嘉年華會買，但呢度係香港呀儍妹。

T仔：老婆，我哋係狗醫生嚟㗎，聽日又要出勤，玩得太夜唔係咁好喎！

班戟：老公呀，難得着咗套咁靚嘅晚裝，不如Show完之後，今晚玩夜啲啦好唔好？

我真身係一隻兔仔，8年以來，一直喺度扮北京狗，今日終於可以唔使扮嘢做番自己啦！Yeah！

Tiara：主人話我天生個樣曳曳，扮唔到斯文，咪幫我吹直啲頭髮然後打斜剪，整咗兩個鐘，先有咁Punk咋。

Show時蝦碌：跌帽醜死怪
T仔：老婆，重掛住玩？我頂帽跌到落下巴啦！快啲幫我戴番好先啦。

又係戴帽累事。

萬聖節出街，我都係扮天使，有對翼喺背脊，我會開心啲。

緊張時刻

開Show前，名人嘉賓黎諾懿同埋黃德斌趕到現場，黎諾懿有份擔任評判，選出巴西風情的Frida&Diego，獲得「Fashion時尚大獎」。黎諾懿︰「我好鍾意動物成雙成對，而且佢哋套衫最Sharp最有FashionSense。」

■而Tiara淡淡定有錢剩，表現突出獎實至名歸。

黃德斌（左）、黎諾懿（右）

■T仔兩公婆的隆重晚裝襯到絕，勇奪「最合拍獎」。

扮靚小貼士

本身係主辦單位之一「香港寵物福利協會」幹事的Yvonne，喺英國讀寵物美容，當日現身過番一招半式畀大家。

小貼士1︰衫仔要日日換
唔好貪方便，冬天就懶得同寵物換衫，其實着咗衫，啲毛好易打結，加上唔除衫梳毛，貪方便就會唔靚啦。

小貼士2︰抹身忌打圈
抹身要上下順住嚟，打圈抹又係令毛毛易打結的另一死穴。

■Yvonne即場介紹貴婦狗最Hit打扮——啤啤裝，重點係喺面部保留多啲毛毛。想再Cute啲，腳仔整個Boot形波波就最潮。

企硬唔郁好尷尬