在國際享負盛名的爵士樂樂手KennyG，將於明年一月再次來港舉行音樂會，身為KennyG超級擁躉的KennyB鍾鎮濤，對偶像再次來港獻技固然感到興奮，阿B表示最佩服KennyG一個音調連續吹奏幾分鐘的技巧，而早年KennyG來港時，更曾親自傳授他最耍家絕技——循環呼吸法呢！
以吹奏色士風聞名的美國爵士樂手KennyG，繼九六年在港舉行音樂會，以及於九八年與劉德華參與紅館回歸紀念騷後，將於明年一月二十二日第三度來港獻技，於灣仔會展舉行一場「KennyGLiveinHK」演奏會。而今次亦是KennyG第四度巡迴亞洲演出。
亞洲密密行
KennyG第四度亞洲巡迴演先後到大阪、東京、名古屋、神戶、新加坡、香港和首爾這七個地區演出。據知，KennyG下月二十一日將由新加坡飛抵香港，入住新落成的中環四季酒店，由於是次巡迴行程相當緊密，KennyG完成香港演出後，翌日便要前往首爾，未能趁機會遊覽香港。
會港台歌手
而KennyG今次在港舉行的音樂會，亦有意找一些曾合作過的藝人擔任表演嘉賓，劉德華及王力宏將是考慮之列。記者致電香港主辨單位Lushington了解時，發言人Dora說：「KennyG經理人公司話畀我哋知，佢哋有興趣搵一啲合作過嘅藝人做嘉賓，究竟係邊位暫時就未清楚。」
鍾鎮濤（阿B）一直視KennyG為自己的偶像，更將自己的英文名改為KennyB。提到偶像即將來港演出，阿B亦憶起當年KennyG首次來港開演奏會時，與KennyG相識的經過。
阿B日前拿着色士風接受訪問時說：「我哋有好多共通點，鍾意音樂同吹色士風之外，當年未興食健康食品，我哋已經傾食邊隻好，我就為咗練大隻，佢就緊張健康，佢重規定十五呎之內唔畀人食煙，因為佢唔想吸二手煙。」
授古法秘技
阿B最欣賞KennyG的音樂造詣，他說：「佢吹得好有感情，個tone音色好特別，佢最厲害係好長氣，可以吹一粒音維持幾分鐘唔停又唔使吸氣，吹到尾時重可以變音，真係絕招。」
KennyG教了阿B絕招的古法秘技，阿B說：「佢教我循環呼吸法，用呢個古法不停練習，吹到兩邊嘴角肌肉好結實，咁可以吹得長氣啲。」
採訪：蔡如玉、戴彩煥 攝影：陳慧安
逢星期六刊出