陳松伶（松松）早前偕母親及胞妹，到美國為外公慶祝生日，共敍天倫兼同度感恩節。原來松松跟外公外婆已有二十年沒見，所以兩老一見松松即開心得笑不攏嘴，其間松松的母親還感動得當場落淚，場面溫馨感人。
陳松伶大部份家人已移居美國三藩市，每年十一月、即感恩節前夕，松松的母親及妹妹便會飛往當地，一家團聚兼為外公慶祝生日。早前，松松便偕母及胞妹飛抵當地，共敍天倫。
海報證親情
松松自二十年前離家後，於本年四月終於與母親及胞妹冰釋前嫌，一家團聚，而今次三藩市之行，亦是松松與母親團聚後首次出席的家庭聚會。當松松與闊別二十載的外公外婆重聚時，松松的母親還一時感觸，當場落淚。
松松說：「喺外公屋企，見到佢哋將我張海報貼喺月曆上面，張海報係我○二年左右影，佢哋每年都會將海報貼喺新嘅月曆上，由○二年貼到○五年，貼到張海報殘晒都唔捨得掉，令我又感動又慚愧。」
通宵逛超市
此行松松的阿姨還帶她四處遊玩，松松表示參觀南瓜農場最感興奮，她說：「啲南瓜重大過我個頭，成地都係，其中一個重過百磅，推都推唔郁，真係好得意！」
松松在當地亦不放過shopping機會，她說：「我喺美國最鍾意行超市，有晚凌晨三點鐘，我叫表弟車我去一間二十四小時營業嘅Wallmart，一行就行咗三個鐘，行到天光先走，表弟話下次一定唔會再車我去超市喎！」
採訪：戴彩煥
