劉德華前晚和周杰倫、藤田惠美及鄧穎芝到將軍澳電視城出席《勁歌金曲》，提到他的國語歌《再說一次我愛你》反應不俗，但早前卻因缺席TVB8金曲金榜頒獎禮而食白果，華仔說：「每個頒獎禮有自己嘅評選方法，要遵守遊戲規則，好彩唔係第二個攞，克勤攞當係佢生日禮物。」
問華仔可有失望，他說：「唔可以咁講，我後日又要去北京拍《墨攻》，之後要綵排美加演唱會。」
身在美國
華仔是傳媒大獎常客，不過今年他似乎已打定輸數，因他很少時間在港，預計部份頒獎禮會缺席，其中聖誕節舉行的新城勁爆頒獎禮，華仔便身在美國。華仔說：「我都少個台㗎啦，舊年都唔係我㗎。」華仔的獎座全部放在歌迷會，每個台不同位置，他說：「商台個位闊落啲，舊年四台聯頒個最佳唱片獎畀我，咁啱商台頒，所以有個獎放喺嗰格。」
採訪：卓美娟
攝影：林德雄