阿旺郭晉安現身處無錫拍攝內地劇，由於近日當地天氣轉冷兼逢夜雨，氣溫降至攝氏兩度，安仔一早起身即打邊爐驅寒，晚間則吃串燒，又自備燕窩，認真識歎。
郭晉安近月身處無錫拍攝內地劇《新夜光杯》，日內該劇煞科後，即將回歸的安仔正好挾阿旺餘威，趁聖誕檔期狂接工作𢱑真銀。日前安仔在無錫唐城趕戲時，天氣轉冷更下雨，晚間氣溫僅得攝氏兩度，滋味確實不好受。
摸熟無錫食肆
有備而戰的安仔除帶羽絨及啤啤熊暖袋開工外，房間亦擺放樽裝燕窩補身。日前安仔到大隊安排的化妝間整妝時，雖然是上午，但工作人員一早預備火鍋，讓大家大啖熱騰騰的食物驅寒，安仔亦吃菜和紅蘿蔔醫肚。
當日拍戲完畢，晚上安仔到市集一路邊攤檔吃串燒，其間他揀了燒魷魚、豬肉、牛肉、牛筋、茄子及蘑菇等，埋單四十元人民幣有找，相當抵吃。臨走時，還買了一袋炒栗子，一邊行一邊吃。
原來安仔五年前已開始到無錫拍電視劇，所以對當地環境很熟悉，講開食他如數家珍地說：「之前我請劇組啲人喺呢度食日本料理，一百蚊一位，請三十六個，個個飽到捧住個肚走。無錫乜嘢都有得食，最貴一次係食法國鐵板燒，食咗四百幾蚊，但同樣嘅嘢，喺香港食就要六、七百蚊啦。」
告別阿旺沮喪
安仔主演的無綫劇《阿旺新傳》日前已播大結局，阿旺終於告別觀眾，雖然安仔不在港，但亦感到心情失落，他說：「係有啲失落㗎，但係冇第一輯播完時咁嚴重，有少少downdown哋，我嚟緊都返香港，應該喺三月左右接新劇。」
採訪、攝影：娛樂突發組
