朱慧敏早前因與梁榮忠偷食而成為全城焦點，她日前與著名攝影師葉青霖到張家界拍攝旅遊特輯。朱慧敏更拜師葉青霖，跟他學攝影及佛家哲學，悟出人生道理。
上屆港姐亞軍朱慧敏早前被拍到與梁榮忠在車廂激吻的照片後，被無綫抽起所有工作，即時雪藏。日前朱慧敏獲解凍後重投工作，並跟著名攝影師葉青霖到湖南省張家界，拍攝旅遊特輯《江山如畫張家界》，二人首度合作即拍出真感情，葉青霖史無前例收朱慧敏為弟子，成為葉青霖首位女藝人學徒。
讚有熱誠
葉青霖錄影節目期間，不忘拿着相機拍下張家界的優美景色，朱慧敏竟然大膽跟他談起攝影來，又不停請教葉青霖攝影技巧，令他留下深刻印象。
葉青霖日前說：「第一次同朱慧敏合作，令我有啲喜出望外，佢喺鏡頭前表現得好專業，好似一個model，鏡頭後佢對影相好有熱誠，今次係我破例收一位女藝人為徒。我覺得呢個女仔心地善良，好聽話，儒子可教。好似喺張家界嗰陣，朱慧敏唔使埋位，就會攞住部相機，好畀心機咁影風景，又影啲工作人員，好少女仔會咁做。」
資質有限
被葉青霖收為入室弟子，朱慧敏受寵若驚說：「好多謝葉先生肯破例收我做徒弟，佢唔單止教我好多攝影技巧，重教我好多佛家哲學同人生道理。我自細對攝影好有興趣，無奈自己資質有限，好多時影相都影得唔好，所以成個問題少女咁，成日問葉先生好多問題，希望佢唔會覺得我煩。我遲啲會送份禮畀師傅，報答佢肯收我為徒。」
