陳冠希與薛凱琪早前去了泰國為內地服裝拍攝廣告，他們在拍攝現場十分合拍，陳冠希更稱讚薛凱琪拍照時十分專業，薛凱琪則表示在逗留的兩日一夜拍攝行程中，幸得陳冠希配合，她又大讚陳冠希為人nice，不怕與他傳緋聞。
陳冠希（Edison）去年開始為一內地休閒服拍攝廣告，今年該廣告商又找來薛凱琪（Fiona）做其拍檔，早前兩人更一起遠赴泰國拍攝了最新一輯的春夏裝廣告硬照，廣告商認為他倆充滿青春氣息，十分配合他們今季的春夏新裝，所以特別重金禮聘Edison和Fiona合作，想不到兩位年輕偶像出奇合拍，在拍攝現場有講有笑，不過由於拍攝現場實在太多蚊，令到他倆經常要在現場忙於拍蚊。
Edison本身在港開設了時裝店，每季都會到日本入貨，他的時裝品味一直不錯，所以他在泰國拍廣告硬照時，就充份表現出他擅於配搭服裝的功力。
搭夜機趕返港
首次與Fiona合作的Edison表示：「諗唔到Fiona影相嗰陣成個model咁，好叻擺姿勢，完全唔使攝影師教佢，其實佢真係好啱做呢行。」
Fiona透露早前到芭堤雅拍攝廣告，僅在當地逗留兩日一夜，一早開工便不停轉衫拍攝，總共換了三十套服裝以上，直至天黑收工時，即趕搭夜機返港演出《勁歌金曲》，簡直趕到氣咳。Fiona昨日在電話中說：「拍廣告嘅時間係零shopping，冇行過街，成日都喺海灘開工，重差啲上唔到飛機㖭。」
稱讚人品不錯
Fiona更稱讚Edison為人不錯，她說：「嗰日拍完後，我要趕返港，Edison則繼續留喺嗰邊，但佢都配合我，特登快啲，佢都幾nice㗎。」
Edison是圈中緋聞王子，問Fiona會否擔心與對方合作後鬧緋聞？Fiona說：「我一啲都唔擔心，如果咁都要擔心，唔通只係同女仔合作咩？我已經睇化咗啦。我記得有日公司嘅同事話睇到一段有關我唔係咁好嘅報道，我就話是但啦，唔係邊有嘢寫呀？同事即刻話你終於大個女啦，女仔同男仔合作又話傳緋聞嘅話，咁不如問吓Edison驚唔驚同我傳緋聞？」
