會計師公會下星期改選，會長周光暉（圖）就快離任，不過離任前都去一趟北京，前日同國家會計學院簽署協議，在內地開辦公會嘅專業資格課程（QP），現時已有約50名內地學生參加。周會長話，最深刻印象係當年朱鎔基為學院所題嘅校訓：「誠信為本，操守為重，堅持準則，不造假帳」，佢重即席用普通話背出呢16字真言。
下星期五公會舉行會員大會，選出新一屆理事，由於正值世貿會議期間，所以唔會喺中環開會，改喺銅鑼灣世貿中心。相信周會長離任前最大挑戰，是會計界立法會議員譚香文嘅政改投票取向，因為公會將於臨近本月21日立法會投票前，進行會員意向調查，了解會員對政改方案的看法。又睇吓剛加入45條關注組所組政黨嘅譚議員如何接招。