最近不少大機構都話有人工加，有啲重話有花紅㖭，打工仔明年真係可以感受到經濟好咗。除咗連鎖快餐店大家樂主席陳裕光幾日前話，員工明年既有人工加，又有花紅分之外，香港最大地產商之一──新鴻基地產都考慮緊加人工畀員工，當然最後加唔加同加幾多大家都唔知，但副主席郭炳江噚日喺集團股東周年大會舉行後，被記者問到員工薪酬時，佢就話明一定有花紅分，咁就大家開心啦。
呢期見到大孖沙，除咗問有冇人工加，就係問點睇政改問題。新地主席郭炳聯（圖左）同郭炳湘（圖右）噚日有備而來，郭炳湘話香港係自由社會，人人都有表達意見自由，亦有各自睇法，至於政改，最緊要大家有一個和諧嘅方案。做生意最緊要當然係和氣生財。