鍾嘉欣近年備受無綫力捧，工作排得密麻麻。來港發展一年多的她，日前特地抽空到中環感受香港的聖誕氣氛，並表示聖誕佳節將至，令她特別掛念身在加拿大的父母，而自言沒拖拍的她，透露聖誕節當天只能與同是華裔小姐出身的李亞男共度。
鍾嘉欣（Linda）自從二○○四年獲選國際華裔小姐冠軍後，即留港發展其演藝事業，一年多以來，備受力捧的Linda一劇接一劇，對此她自言十分高興，並說：「好多謝公司畀咁多機會我，今年嘅成績自己都好滿意。」
讚氣氛濃厚
適逢聖誕節將至，令過去在加拿大生活的Linda勾起不少回憶，尤其想念遠在加國的父母。去年初次留港過聖誕的嘉欣，表示對當時的記憶已十分模糊，難得今年百忙之中能抽空到中環欣賞燈飾。
Linda說：「上年好似要開工，都冇時間而且唔識香港嘅路，唔知可以去邊，我今年先知原來香港嘅聖誕燈飾比加拿大重靚同熱鬧，以前喺加拿大都係同屋企人砌下聖誕樹，反而我覺得香港好有聖誕氣氛。」
原來Linda每年聖誕節均會收到不少禮物，她說：「𠵱家就話有fans送，以前家姐同哥哥都會送禮物，而爹哋同媽咪通常都會話一、兩個月前買嘅嘢當聖誕禮物。」
下廚煮大餐
問到Linda今年可有男朋友陪伴過聖誕時，她說：「都冇拍拖，今年如果唔使開工會同李亞男一齊喺屋企整吓聖誕大餐，因為佢煮嘢食好叻。」
採訪：王崇穎 攝影：陳慧安
場地提供：香港繽紛冬日節
