大型發展商旗下商場，活動及宣傳攻勢排山倒海，散業主商場難以招架，華置聯行代理及策劃嘅尖沙嘴廣東八十，趁住今個禮拜六開幕，實行大反擊，爭番啲見報率。 佢哋請嚟旅遊發展局購物節中表演過嘅舞麒麟，又有最長嘅綵帶剪綵儀式。 當然，唔少得模特兒表演，最煞食，梗係特別嘉賓藝人傅穎與楊愛瑾。睇嚟，個場聽日肯定迫爆場。 廣東八十共三層，面積二萬幾呎，有一百四十五個舖位，月租兩萬起。