大家都係黃皮膚，日本同中國少女會有咩嘢唔同呢？日本博報堂生活綜合研究所訪問咗二百位十六到十九歲嘅少女，中國女孩最想做嘅頭五個職業，係公司總裁、行政總裁、高級管理層、經理，同埋教師；日本女仔呢，就最想做家庭主婦、空中小姐，同埋照顧細路仔嘅兒童保育員。中國女仔睇嚟寧舍有野心，除咗兩國文化唔同之外，同中國經濟同世界接軌，見多識廣都有一定關係。