泰德陽光（307）發咗則通告，內容係公布由今個月6號開始，楊瀾（圖右）辭任公司執行董事及副主席嘅職位。根據該公司通告所講，楊瀾係基於私人理由而請辭嘅，通告中又確認跟董事會並無意見不合喎。咁樣畀人感覺有點畫蛇添足。
泰德陽光前身為陽光文化，是2000年楊瀾與丈夫吳征收購香港上市公司良記集團變身而成的公司，而楊瀾就親自肩負主席一職。但由於陽光衛視其後連年虧損，最終公司控股權亦要轉讓畀星美傳媒集團，之後再轉輾落入泰德陳平手上。
今年7月，楊瀾公布與吳征共同持有的陽光媒體投資集團權益的51%無償捐獻給社會，併入在港成立的非牟利機構陽光文化基金會，佢同時又辭去咗包括陽光媒體投資董事局主席在內的所有管理職務。這些安排是否跟請辭有關就不得而知。