時下大型私人屋苑，差唔多例必有住客會所，設施愈來愈多樣化。好似長實、新地嘅長沙灣宇晴軒，兩期有成二千幾伙，要照顧咁多住戶需求，發展商話，撥款兩億，興建二十萬呎會所，內有八十幾項設施。
有硬件之餘，發展商話，會為住戶搞四十幾項活動課程，又邀請唔少出名教練，開班授徒。課程有近年流行嘅瑜伽、健體舞、社交舞、美容、太極及跆拳道等。
會所可以應住戶要求，開設其他課程。好似世界級著名太極高手李暉，噚日喺宇晴軒會所，即場示範太極，○二年以教練身份，帶領港隊，遠赴悉尼，揚威奧運跆拳道嘅劉漢良師傅，亦現場露兩手。
李暉話，現代都市，空氣與水質都愈來愈差，隨了靠飲食保健，最重要都係多做運動，強身健體。
電郵地址：[email protected]