平時識飲識食嘅歐陽應霽（阿齋），為咗幫社區組織協會一項籌款活動宣傳，噚日去咗深水埗一間板間房度為啲長者同埋新移民煮私房菜，但今次煮嘅唔係啲鮑參翅肚，係用咗三四十蚊買嘅一餐家常便飯。阿齋同八方講，佢廿年嚟第一次用火水爐煮飯，覺得唔係幾夠鑊氣，但佢依然整咗三餸一湯出嚟，令到個個捧住個肚。阿齋話自己都喺深水埗長大，但就有啲近鄉情怯；咁又難怪嘅，平時阿齋屋企嘅係開放式廚房，點都會有啲唔慣嘅。
阿齋重幫社協設計咗六款盞鬼漫畫，用嚟印喺獎券、朱古力同埋T恤上面義賣，今個星期五同埋下個星期日會喺中環娛樂行門口同埋銅鑼灣時代廣場平台度搞簽名會㖭。
爆料熱線：29290000、27860099
報料傳真：26239278
報料電郵：[email protected]