陳慧珊將於博愛醫院慈善餐舞會演唱，周啟生擔任音樂總監，二人日前綵排，周啟生表示今年是其父周吉八十六歲冥壽，對他別具意義，為慈善演出之餘，亦是送給父親的好禮物。
著名音樂人周啟生及陳慧珊最近獲邀以表演嘉賓身份，出席下周一（十二日）在四季酒店舉行的「博愛醫院86週年慈善餐舞會」，二人首度合作已為大會籌得過百萬元，陳慧珊當晚會獻唱四首歌，周啟生擔任音樂總監。
主動邀合作
周啟生和陳慧珊日前在銅鑼灣綵排，為演出作好準備，並期望能在音樂上擦出新火花。陳慧珊自言不懂彈奏任何樂器，不過拍照時見到多種不同樂器，陳慧珊都表現得甚雀躍，她說：「好遺憾我淨係識用聲線去表達音樂，我好羨慕人哋可以自彈自唱，所以今次係我主動聯絡周啟生同我合作。」
周啟生表示今次慈善演出對他甚具意義，周啟生說：「大會同我講博愛係一九一九年成立，今年八十六周年，咁啱我爸爸周吉都係呢年出世，如果佢重喺度都係八十六歲，今次演出除咗為慈善之外，都係送畀佢嘅一份禮物。」
遺傳音樂感
已故粵語片影星周吉逝世二十年，周啟生表示沒有遺傳父親的演戲細胞，不過就遺傳了半點音樂感，周啟生說：「阿爸以前教書㗎，重係教唱歌㖭，不過我屋企重女輕男，家姐幾歲就跟名師學鋼琴，我未正式跟老師學過，已經自學識彈晒家姐嘅琴譜。
「十二歲阿媽先畀我跟老師學，四年已經考獲八級鋼琴，阿媽都覺得可以喺鄰居面前威吓。不過我𠵱家成日都同啲家長講，唔好為考試畀個仔女去學琴，仔女本身鍾唔鍾意都好緊要。」
採訪、攝影：卓美娟
