若然大家錯過早前日本東京車展，無機會知曉最新第一手日本新車資訊，亦唔使愁喎，事關日本MotorMagazine月刊，響車展後推出臨時增刊號，盡數日本各家車廠的新製品，大談設計意念，預計埋新車面世的可能性，亦少不了歐洲各大車廠的新車預覽同介紹。
記者、攝影：陳偉林
最新日本車一直係本地車迷茶餘飯後的話題，尤其係日本東京車展，今趟MotorMagazine的東京車展臨時增刊號，前95頁大篇幅報道最新日本新車猛料，當中受注目是日產新一代SkylineGT-R的新消息，還有凌志品牌的概念跑車LF-A新大計，重有下一代三菱LancerEvolution入替車Concept-X的最新情報。
LF-A試跑Nurburgring片段正
至超值是隨書附送一隻原版日本DVD碟，內裏收錄凌志概念跑車LF-A響全長20.8公里的德國Nurburgring試跑，真係好精采。此外，尾頁重有令車迷賞心悅目的靚靚ShowGrils，去唔到現場睇車展都一樣咁開心㗎！
抵買指數：★★★★
