維珍航空主席布蘭森出晒名出位，他近日展開亞太區之旅，噚日到咗香港，並宣布一個非一般推廣計劃──儲夠積分可以上太空。話說維珍航空將與維珍Galactic合作，維珍乘客只要儲夠200萬飛行里數，便可以換取維珍Galactic太空船門券，作3日太空之旅。
呢個計劃聽來匪夷所思，但布蘭森表示正建造五艘太空船，每艘可載7人，兩至兩年半後可以啟航。他估計維珍有100名乘客有足夠飛行里數換取門券，香港約有10人。
布蘭森坦言，只有維珍航空擁有太空船公司，這個獎賞計劃確實是獨一無二。至於太空船乘客的保險問題，他沒好氣地說：「若擔心保險的話，根本就不應該上太空。」諗真又有道理，不知道到時有冇港人敢做太空人。