將於周日三十九歲生日的黎明，自年前與舒淇分手後，即傳出與上屆港姐冠軍徐子珊拍拖，但緋聞一閃即逝，昨日有報道指黎明戀上二十五歲名模樂基兒，二人秘密拍拖三個月，樂基兒除以黎明曾送舒淇的保母車代步外，更在對方樂景園豪宅自出自入，二人又愛在灣仔君悅酒店夜敍歎紅酒。
一齊拍過嘢
昨午四時多，黎明乘坐保母車返寓所，落車時，他發現有記者，只木無表情地回頭望了一眼便上樓；至於樂基兒本應昨晚參加Levi's牛仔褲活動，但臨時缺席，反而到了中環太子大廈為國際品牌Chanel的私人騷擔任模特兒。
樂基兒被問到與黎明拍拖兼同居的報道時，她春風滿臉笑說：「呢樣嘢唔講嘞，放過我啦！你哋影到乜嘢，鍾意寫乜就寫乜，總之唔講私人嘢，唔想個故事延續落去。」再問樂基兒有否聽黎明的歌及覺得他為人如何？她又笑說：「nocomment，我識佢好耐，以前一齊拍過嘢。」
採訪、攝影：娛樂突發組
