韓君婷、姚嘉妮和男子組合Boy'Z前晚在灣仔擔任髮型模特兒，示範○六年新款髮型趨勢。姚嘉妮將一頭秀髮剪短，顯得有型有格，Boy'Z被安排擔任染髮模特兒，成員張致恆（Steven）染灰白色，麥子豪（Dennis）染黑黃色。韓君婷則預先戴了一頭假髮，誰知髮型師竟錯手剪了她的真髮，幸好韓君婷亦對「新髮型」相當滿意。
有蚊滋飛
Steven笑言頭髮太短，只得一小撮頭髮可染，讀書亦是自己打理頭髮，包括剪、染及電髮。在他昔日的髮型中，尤對蟲蟲頭（dreadlock）印象深刻，他說：「我嘅頭髮好稀疏，整完變得好濃密，所以好開心，不過呢個髮型唔可以成日洗。我有朋友試過五年只係洗三次頭，平時只係用爽身粉保持髮型乾爽，到佢拆個髮型時，入面竟然有三隻死烏蠅，又有蚊滋飛嚟飛去，嚇到我以後唔敢整。」
採訪：何永寧 攝影：仇志德
