自從醫院管理局今年制訂藥物名冊後，有七十三種在藥物名冊以外的藥物，經醫生處方後，需要病者自費，加重不少長期病患者的負擔，阿娟是其中一人。
骨質疏鬆 長期服藥
五十九歲的阿娟，患有骨質疏鬆症、骨退化、骨刺及坐骨神經痛等多種骨科疾病，需要長期服藥。「呢啲係職業病，我做咗車衣、釘珠女工三十幾年，一日十幾個鐘長期垂低頭、彎低腰猛咁做，老來就問題多多。」
阿娟去年不慎跌倒，弄傷腰骨，更令病情加劇，最嚴重的時候，她寸步難行，痛如刀割。後來經過物理治療及服用醫生處方的兩種骨科藥物，包括Fosmax及Viartril-S後，阿娟的情況才逐漸有好轉。
「之前我真係辛苦到日日以淚洗面，近排我覺得好番好多，醫生檢查後亦話，我嘅骨質密度有提升，所以我相信呢兩種藥真係幫到我；不過，我至少要再食多一年。」阿娟說。
藥物價貴 綜援過活
Fosmax及Viartril-S並不在醫院管理局藥物名冊內，阿娟每個月要額外付出約六百元購買上述兩種藥物，令其生活百上加斤。
阿娟離婚多年，膝下無兒無女，她因為身體欠佳，近年已沒有工作，現靠綜援金生活。「老實講，一千九百蚊綜援除咗要開飯，重要交煤氣、電費，根本冇辦法再買藥；由上年到𠵱家嘅藥費，都係喺我以前返工剩低嗰幾千蚊積蓄補貼出嚟，但𠵱家已貼無可貼。」
阿娟的個案由基督教家庭服務中心觀塘綜合家居照顧服務隊轉介，蘋果日報慈善基金了解過她的實際需要後，撥款三千六百元，資助阿娟未來半年藥費，她盼善長伸出援手，減輕其往後的醫藥費壓力。
捐款編號︰C1872
暖流熱線
電話：29908688
傳真：23702192
電郵：[email protected]
網址： http://www.charity.atnext.com