湯盈盈昨日變身李笑好到幼稚園測試人氣，她原本很擔心嚇倒一班小朋友，但她甫進幼稚園，即獲幾名小男孩大讚靚女兼主動獻吻，不過戴假牙令她頗疲倦，所以要剝下休息。
湯盈盈昨日在藍田佛教金麗幼稚園，為一小時特別版節目《好在你左右》拍外景，湯盈盈再化身李笑好與一班幼稚園生玩遊戲，測試一下李笑好在這班小朋友心目中的份量。
湯盈盈起初擔心李笑好的外貌會嚇倒小朋友，誰知她甫進班房，眾小朋友已大嗌阿好及李老師。
幾時嫁賓仔
幾名小男孩更大讚阿好很靚，還主動親吻她，逗得盈盈笑不攏嘴。
一向很喜歡小孩的湯盈盈大讚小朋友精靈活潑，她說：「我原本驚呢個樣會搞喊佢哋，點知佢哋重主動問我問題，又問幾時帶阿旺嚟，我臨走又問我係咪趕住去洗碗，最搞笑係有個細路問我會唔會同賓仔結婚，總之就人細鬼大啦！」
講嘢重清楚
拍攝完畢後，湯盈盈馬上除下假牙休息，她說：「其實戴住呢棚假牙都幾攰，不過大家鍾意睇，我都唔介意，而且好多人話我戴咗棚假牙講嘢，唔知點解重清楚咗。」
採訪：卓美娟 攝影：陳慧安
