花旗唔單止係全球最大嘅金融集團，佢哋啲高層，亦可能係最藝高人膽大嘅賓架；華華收到消息，花旗香港有3名高層將於本周末，去濠江地標之一嘅澳門旅遊塔，玩高飛跳（skyjump），為南早及港台合辦之「SantaClausOperation」籌募善款，佢哋會喺233米高空一躍而下，披甲上陣嘅高層中，包括花旗香港區企業及投資銀行部主管范浩宏（FrankSlevin）。
高飛跳與笨豬跳不同，前者沒有反彈動作，垂直下墜，從旅遊塔的高度估計，飛騰歷時約20秒。
Frank係愛爾蘭人，居港多年，係紅籌之父梁伯韜嘅得力助手，平日華華見親佢，佢老哥都係笑容滿面，一副談笑用兵，估唔到連做善事都咁有膽識。